سعودی وزارت خارجہ کی جانب سے جاری بیان کے مطابق اس ملاقات کا مقصد سعودی عرب اور ہونڈوراس کے درمیان موجودہ تعلقات پر تبادلہ خیال اور ان کو مضبوط بنانا تھا، ساتھ ہی اہم علاقائی اور بین الاقوامی امور پر بھی بات چیت کی گئی۔ دونوں وزرا نے اپنے اپنے ملکوں کے درمیان تعاون بڑھانے پر اتفاق کیا۔ اس کو باضابطہ بنانے کے لیے انہوں نے سعودی عرب اور ہونڈوراس کے درمیان تعاون کے لیے ایک عمومی فریم ورک معاہدے پر دستخط کیے۔ سعودی وفد کی نمائندگی ہونڈوراس میں غیر مقیم سفیر ہیثم بن حسن الملیکی اور نائب وزیر کے دفتر کے ڈائریکٹر جنرل مطاہر الینیزی نے کی۔